సికింద్రాబాద్ ప్రాంతీయ పాస్ పోర్టు కార్యాలయం అధికారిగా మాధవ్ రచ్చయ్య

హైదరాబాద్: సికింద్రాబాద్ ప్రాంతీయ పాస్ పోర్టు కార్యాలయం అధికారిగా మాధవ్ రచ్చయ్య బాధ్యతలు చేపట్టారు. 2014 బ్యాచ్ ఇండియన్ ఫారిన్ సర్వీస్(ఐఎఫ్ఎస్)కు చెందిన ఈయన ఫ్రాన్స్ రాజధాని పారిస్లోని భారత రాయబార కార్యాలయంలో ప్రథమ కార్యదర్శిగా విధులు నిర్వహించారు. ఐక్యరాజ్యసమితితోపాటు ఉన్నతస్థాయి అంతర్జాతీయ ప్రతినిధి బృందాల్లో పాలుపంచుకున్నారు. దిల్లీలోని యురేషియా విభాగం, షాంఘై సహకార సంస్థ విభాగాల్లోనూ ఆయన అండర్ సెక్రటరీగా పనిచేశారు. కాగా, ప్రస్తుత అధికారి జె. స్నేహజ చైనాలోని భారత రాయబార కార్యాలయానికి బదిలీ అయ్యారు.